十二鍋 (Closed)

今日就帶大家嚟到佐敦，喺地鐵站旁邊既莊士輪敦廣場絕對係覓食既好地方🤩，今次同大家去地舖食台式火鍋🍲。呢度提供火鍋🍲款式都幾多，一共有1️⃣2️⃣款添！我個人幾鍾意呢度嘅湯底，沙茶牛肉鍋嘅湯底味道剛剛好，食落濃味唔會過鹹👍🏻。沙茶牛肉鍋入面，我最鍾意佢粒牛丸，咬落彈牙又多汁。而餐廳🍴喺湯底中加入台灣面線，完全吸收晒沙茶醬嘅精華，真係幾惹味😋！而壽喜燒湯底味道溫和，因為鍋中會加入唔同蔬菜🥬，食落甜甜地，容易入口，用嚟淥牛肉就最啱喇😍！另外我哋仲叫咗一份鴨血，食落有少少辣，又帶一點麻香，口感好軟腍，又嫩口！我幾鍾意呢度湯底唔會過鹹，飲完隨餐附送嘅綠茶都唔會太口乾。另外，每一款鍋都會提供唔同款式嘅食材，份量都幾多，一定夠食，所以都幾抵食！