真台客

Open Now

Now Closed

餐廳座位多，外牆有特色壁畫，餐牌仲有好多台灣小食。假日晚市愈坐愈多人，有自助水吧提供。叫左大雞排便當($52)，柯仔煎($42)，滷豬腳($42)，正宗臭豆腐($40)，黑糖珍珠鮮奶($28)。便當好抵食，隻碟係台灣地圖形狀。雞排超級大塊，超壯觀。雞排外皮脆身，肉質好鬆軟。配菜仲有滷蛋、醃菜、燙菜，非常飽。原本想叫大腸包小腸，但冇賣，所以轉叫柯仔煎。柯仔size正常，飽滿。粉漿軟糯，有蛋邊脆脆地，仲有大量菜，食食下都幾飽肚。滷豬腳就不過不失，4小件，滷得入味。但如果份量多dd，就更加經濟實惠。臭豆腐唔算好臭，食落少少臭味，炸得脆，夾埋酸菜食一流，辣醬亦有助提味。不過都係份量多dd會開心d。珍珠鮮奶揀左少甜，唔錯，唔會好甜，珍珠亦煙韌。整體，食物都快送上，價錢唔貴，食完當體驗去左台灣一轉。環境好靜，可以慢慢享受。