火鍋郎 (Closed)

聽朋友話尖沙咀新開左間和牛邊爐，主打日本A5和牛，啲價錢仲要幾親民，所以行完街就過嚟試一試佢！一去到店員勁nice 係咁介紹唔同湯底 聽佢介紹完揀咗花膠雞響螺金湯同黑松靈竹笙松茸野菌湯啲湯底真係好有驚喜！花膠雞響螺金湯好濃郁，味道好鮮甜，我哋直接當湯嚟飲！湯底入邊好多花膠 仲有一碟鮮雞提供～超級足料第一次用黑松露湯底打邊爐，感覺清清地而且香氣濃郁！好重松茸野菌味，愈煲愈濃！如果鐘意黑松露同菇一定要試！重點嚟啦！呢到嘅日本A5和牛勁多部位揀，樣樣都有試下〜最鐘意係封門柳！牛味濃 油脂分佈均匀 食多幾舊都唔滯！牛胸爽食落爽脆有油香〜 一定要講嘅係自家製嘅和牛餃 好好味好Juicy!!! 有和牛嘅油脂同香 $48勁抵！同埋和牛滷肉飯🍚一定一定要試！牛汁超香油脂 係我食過最好食嘅。講真，見到佢呢個價錢，無諗過$38嘅滷肉飯都咁好食😂Overall 服務好好又坐得舒服，嗌勁多嘢都係一千有找，食肉獸可以試下。