Video
Read full review
2022-04-30
89 views
🥢🥢今日陪老公去開源廣場買電腦用品，記得朋友介紹過附近有間抵食嘅台灣地道小店，一於上去食個late lunch先。餐廳位於工廈，雖然裝修簡單，但座位闊落，坐得幾舒服。餐牌入面有好多選擇，台式便當、牛肉麵、肉燥拌麵、米粉、小食等。花多眼亂咗一輪，最後揀咗台灣牛肉麵、逢甲鹹酥雞肉燥飯，兩個都要咗套餐，貪佢包埋杯餐飲，另外再加咗一個魚鬆肉燥時菜。台灣牛肉麵嘅牛展好淋好入味，面嘅質地好滑，唔錯呀。至於鹹酥雞肉燥飯，鹹酥雞整得好鬆脆，味道唔會太鹹，配埋肉燥飯，好開胃呀。魚鬆肉燥時菜，肉鬆配合醬汁，同唐生菜又幾夾。👍🏼👍🏼🧋🧋飲品方面我哋叫咗一杯latte同黑糖薑母茶加珍珠。適逢老公今朝未飲咖啡，老闆推介下叫咗杯latte，相當唔錯。奶啡比例好好，奶味香濃，個拉花仲做得好靚。我飲嘅黑糖薑母茶，薑味好濃郁，入邊仲有唔少薑片，好足料。飲開淡口味嘅我略嫌甜咗少少，下次可以叫少甜。套餐連飲品大概$60-70，呢個食物質素算係好抵食，餐單選擇亦都好多，充滿台灣嘅味道。😋😋
餐廳位於工廈，雖然裝修簡單，但座位闊落，坐得幾舒服。餐牌入面有好多選擇，台式便當、牛肉麵、肉燥拌麵、米粉、小食等。花多眼亂咗一輪，最後揀咗台灣牛肉麵、逢甲鹹酥雞肉燥飯，兩個都要咗套餐，貪佢包埋杯餐飲，另外再加咗一個魚鬆肉燥時菜。
台灣牛肉麵嘅牛展好淋好入味，面嘅質地好滑，唔錯呀。至於鹹酥雞肉燥飯，鹹酥雞整得好鬆脆，味道唔會太鹹，配埋肉燥飯，好開胃呀。魚鬆肉燥時菜，肉鬆配合醬汁，同唐生菜又幾夾。👍🏼👍🏼
🧋🧋飲品方面我哋叫咗一杯latte同黑糖薑母茶加珍珠。適逢老公今朝未飲咖啡，老闆推介下叫咗杯latte，相當唔錯。奶啡比例好好，奶味香濃，個拉花仲做得好靚。我飲嘅黑糖薑母茶，薑味好濃郁，入邊仲有唔少薑片，好足料。飲開淡口味嘅我略嫌甜咗少少，下次可以叫少甜。
套餐連飲品大概$60-70，呢個食物質素算係好抵食，餐單選擇亦都好多，充滿台灣嘅味道。😋😋
台灣牛肉麵
44 views
0 likes
0 comments
逢甲鹹酥雞肉燥飯
23 views
0 likes
0 comments
肉鬆肉燥時菜
4 views
0 likes
0 comments
Latte
4 views
0 likes
0 comments
黑糖薑母茶
11 views
0 likes
0 comments
Post
