Video
Read full review
2018-12-19
1238 views
其實係眾多嘅菜式中，唯有中式係我每日食都唔會厭，今日早咗收工，就決定即興約個住係佐敦附近嘅朋友陪我食個小炒。依間餐廳係朋友介紹的，一開始嚟到只有一兩枱人，本身都怕會唔會中伏，但坐耐咗就開始滿座了，幸好我哋早收工。首先依間大排檔算坐得舒服，而且價格又實惠。見到佢嘅孖寶套餐真係大件夾抵食，最後我哋就叫咗滋味孖寶餐A$238，有沙巴龍躉及白灼基圍蝦。再叫多份啤酒牛油煮大蜆$128及金釣粉絲雜菜煲$78，另外再叫咗支青島同白飯share食。 白灼基圍蝦蝦身非常大隻，而且好新鮮啊，每一隻都又爽口又彈牙，簡簡單單點辣椒豉油食已經好好味，蝦精表示非常滿意沙巴龍躉同白灼蝦一樣，並無因為套餐而偷工減料喔，魚身又肥又厚，而且煮嘅火侯控制得啱啱好，煮得夠滑嫩。連我依個覺得食魚要挑骨覺得好麻煩嘅人都食到好滋味。金釣粉絲雜菜煲比我相像中足料，除咗菜新鮮之外，仲有好多我最喜歡嘅菇，味道清清地，唔錯!啤酒牛油煮大蜆終於有我最期待嘅啤酒牛油煮大蜆，首先職員會係你面前煮，可以見到佢其實無落味精，好簡單地用牛油、黑椒同洋蔥起鑊，再落蒜泥同蜆炒混，再加啤酒同香草焗一陣就食得啦。簡單嘅做法先突出到材料嘅鮮味，餐廳真係用上非常
依間餐廳係朋友介紹的，一開始嚟到只有一兩枱人，本身都怕會唔會中伏，但坐耐咗就開始滿座了，幸好我哋早收工。
首先依間大排檔算坐得舒服，而且價格又實惠。見到佢嘅孖寶套餐真係大件夾抵食，最後我哋就叫咗滋味孖寶餐A$238，有沙巴龍躉及白灼基圍蝦。再叫多份啤酒牛油煮大蜆$128及金釣粉絲雜菜煲$78，另外再叫咗支青島同白飯share食。
白灼基圍蝦
蝦身非常大隻，而且好新鮮啊，每一隻都又爽口又彈牙，簡簡單單點辣椒豉油食已經好好味，蝦精表示非常滿意
沙巴龍躉
同白灼蝦一樣，並無因為套餐而偷工減料喔，魚身又肥又厚，而且煮嘅火侯控制得啱啱好，煮得夠滑嫩。連我依個覺得食魚要挑骨覺得好麻煩嘅人都食到好滋味。
金釣粉絲雜菜煲
比我相像中足料，除咗菜新鮮之外，仲有好多我最喜歡嘅菇，味道清清地，唔錯!
啤酒牛油煮大蜆
終於有我最期待嘅啤酒牛油煮大蜆，首先職員會係你面前煮，可以見到佢其實無落味精，好簡單地用牛油、黑椒同洋蔥起鑊，再落蒜泥同蜆炒混，再加啤酒同香草焗一陣就食得啦。簡單嘅做法先突出到材料嘅鮮味，餐廳真係用上非常新鮮嘅蜆，每一隻都會開，而且好大隻又厚肉，配埋味道清清地但非常香嘅湯汁實在非常出色。非常推介啊。
而且最後餐廳仲送我哋每人一份芒果布丁做甜品，好貼心啊，最正就係有埋練奶可以加，好有童年回憶。
埋單每人$275，就可以食到個咁豐富嘅海鮮餐。絕對會介紹其他朋友再黎食過。
Post
