亞蘇爾 (新城市廣場) (Closed)

依家好多餐廳都有外賣優惠，非常抵！叫咗二人餐，有兩個餐湯、豬扒包、葡國雞飯及炒雜菜，仲有兩個飲品。飲品汽水可揀可樂、Zero、七喜或梳打。葡式豬扒包最好食，用上法包，烘得脆脆，豬扒夠林。真係去親澳門都會食，而家冇得去澳門，喺呢度叫返個食。鍾意食葡國雞飯，有汁又香。有椰汁香味，雞肉幾滑。二人份量相當足夠。澳門菜當然唔少得馬介休，套餐有馬介休炒雜菜，馬介休味鹹鹹地好香，有椰菜、車厘茄、橄欖、粟米芯。套餐有湯又有飲品，$248外賣自取仲有7折，折完$173.6，真係抵食！