麺屋武蔵 (MOKO新世紀廣場) (Closed)

記得上次經過麵屋武藏睇到外賣自取有優惠，一個套餐有主食、小食和飲品都只係五十幾蚊，前日約左上朋友旺角屋企做Project，就上去MOKO買外賣拎返屋企開餐，真係方便又抵食，仲唔怕疫情會感染。 餐廳裝修比較有格調，大玩日本武士元素，等左大約15分鐘就可以取餐，今次叫左叉燒沾汁麵（黑武骨）、鯖魚豚角日式四格便當，小食揀左煎餃子和炸雞，仲有2罐汽水。 第一次食沾麵原來口感係咁好，咬落煙煙韌韌口感好豐富，配埋黑蒜味豬骨湯夠晒香濃，食完都唔會口乾。 日式的鯖魚豚角便當每款食物放一格，同朋友share每樣都可以試少少，份量唔會太多女仔最鍾意，鯖魚煎得夠香仲有少少魚油滲出嚟，豚角多油脂入口溶化。 而小食餃子煎得香脆有肉汁，炸雞肉配沙律醬食得津津有味。