東京街日本料理 (馬頭角道)

Open Now

Now Closed

喺土瓜灣哩頭做完野，行過馬頭角道見倒哩間外賣壽司店好多人等外賣，八掛去望下，見倒Menu都幾多款揀價錢又唔貴，一於買返屋企試下。雖然只係一間外賣小店，但佢地嘅壽司同手卷款式都好多，另外仲有刺身、前菜同炸物，而且價錢都係街坊價。什錦刺身定食($158) - 定食包左八款唔同刺身，包括章紅魚、三文魚、赤身、北寄貝、帆立貝、油甘魚、甜蝦同八爪魚，每款有兩件，另外仲跟左白飯同沙律。刺身幾新鮮有光澤，唔會太薄身，性價比高，我特別鍾意油甘魚同章紅魚，食落幾肥美。另一貼心位係佢地另外有豉油碟提供，可以將魚生豉油同wasabi放喺豉油碟上面。總結，雖然只係外賣小店，但刺身質素唔差，確係幾抵食，下次再經過都要試下佢其他壽司。