人和月雞煲火鍋店 (Closed)

呢幾日又凍返 最啱一家人齊齊打邊爐 之前食過呢間雞煲火鍋店放題 覺得幾高質呢排禁堂食 佢地出咗幾款外賣套餐對抗 梗係要買黎同家人分享 順便支持一下套餐包招牌麻辣雞煲 八款配料 粉麵同自家飲品佢地嘅雞煲好惹味 係我食過數一數二好味屋企人唔太食得辣 所以今次揀咗BB辣雞煲份量足 啲雞件滑嫩入味 而且食極都有雞煲食到七七八八 就係時候加入清湯打邊爐兩款肉類 揀咗牛板腱同日本黑豚片 各有8片睇賣相都知質數唔錯 肥瘦適中 食落有肉香配料方面 特別推介大家試薑汁皮旦貢丸裡面係滿滿嘅薑汁皮旦餡 一咬爆哂汁另外仲有墨汁墨丸 響鈴 蟹棒 蒿荀 油麥菜各樣配料都係中上質素 整體屋企人都幾滿意