燧記廚房 (荔安大廈) (Closed)

今日又比老母點我去買外賣，叫我買完外賣先可以返屋企，仲要指定食小炒菜添。臨時臨急要我買，都唔知去邊度買好。好彩呢個時候，我經過左呢間小店，見到有小炒菜賣，仲要只係$50左右就有一個套餐，經濟又實惠，一於就買呢個啦。每個套餐都有飲品同白飯嘅，我叫咗兩個套餐。飲品我就揀咗兩罐可口可樂。麻辣子雞$55平時食麻辣子雞，好多時都要吐骨，我個人就覺得有啲麻煩嘅，不過我又鍾意個味道，所以唯有叫啦。好驚喜地，呢度嘅雞已經幫你拆好晒骨，仲切成一粒粒，超級方便進食，正呀。有好多切咗粒嘅辣椒同埋花椒，好香。乾鍋花菜炒肉$55花菜即係椰菜花，肉係腩肉片。呢兩樣野我都覺得用干鍋嘅形式去炒係好夾嘅，分量又有幾多， 50幾蚊來講真係抵到不得了。椰菜花同腩肉索晒辣椒嘅香味，好食。食完之後，老母話正，叫我多啲買呢間。大鑊啦，即係我又要經常做外賣妹啦。