Cafe de Tiffany (Closed)

今日難得放假，辛苦左咁耐想大大份西餐扒餐，突然諗起朋友推介聯和墟有間餐廳唔錯，就即刻走左去食啦餐廳嘅環境裝飾幾特色，內外設計完全俾人有一種工業風嘅感覺，好特別而且座位好闊落，餐牌午餐都有幾版你揀，又俾我搵到個打卡食飯嘅好地方 至於野食方面，除左有份足料嘅忌廉湯外，我點嘅鐵板紐西蘭肉眼扒配薯菜大份都好驚訝，肉汁多得黎夠腍，容易切開，食得黎好方便，仲要食極都食唔完，對我哩個大胃王黎講都好有滿足感另外我仲點左個香脆雞翼，亦都無令我失望，即叫即炸，卜卜脆，好香口，食完一啖又一啖 🙈另外，我朋友有特別推介個特飲雪糕朱古力，話一定要叫黎飲，咁佢又無介紹錯 雪糕好大球，又朱古力唔會太死甜，兩樣夾埋剛剛好，係必點之選 ♥️總括而言，哩間餐廳，CP值好高，野食真係好大份，味道一流，下次會叫埋朋友黎，一次過叫幾樣野食，試曬咁多款野食，諗起都覺得正啊 😬