西貢街頭越南牛肉粉

Open Now

Now Closed

放工肚餓想醫肚去食下午茶，之前經過這間越南餐廳好多客人，所以一直想來試試。今日終於有機會！先到取票機取票等位環境以越式的燈飾及牆畫作裝飾，好有特色；播放越南風味的音樂，好輕鬆。座位舒適，明亮的環境、以藍白色作主色。剛好有下午茶餐，好抵食又多款選擇，有湯粉、撈檬、飯，包了一杯飲品，天可加錢轉特飲，又可加錢增點小食，如：春卷、蝦餅。見客人食飯及湯粉都好吸引！香茅豬扒撈檬好大碗好足料！檬粉質感彈牙孜香軟，配上自家製酸辣的醬汁（包了蒜、紅辣椒、白醋等），好開胃又惹味又美味；配有健康紅蘿蔔絲、爽脆青瓜絲、醃製白蘿蔔絲、香口花生碎，拌勻一同食好好配搭好有口感；香茅豬扒即叫即製，好大塊、厚身又熱辣辣，好入味好香又軟腍易咬！跟餐包了飲品，點了咸柑桔：好滋潤好順喉，熱熱暖胃，好適合冬天飲。