半島冰室

Open Now

Now Closed

呢間冰室無論早餐或午餐時段都會大排長龍。比較容易食到的時候應該是下午茶時間了。下午茶餐的質素一樣掂！叫了個馬來㗎喱吉列豬扒飯。個餐一上枱，個心嚇到離一離。塊豬扒絶對大過塊面，舊飯完全被遮蓋。咪以為塊豬扒咁大會紙咁薄，炸粉厚過肉。它的厚度絕對正常，外皮香口仲卜卜脆，又唔會炸到乾曬，真係淨食豬扒都夠呀！配埋香濃咖哩汁及白飯，真係食不停口，再啜啖凍檸茶，絕對是大滿足！冰室唔做晚市，六點就關門。如果較啱時間食下午茶餐，絶對可當early dinner頂一餐。