Video
Read full review
2019-08-07
193 views
作為一名健身教練，聽班街坊學生講，富東街市都有好野食逢星期5都要入東涌，今日提早入去就係要同學生去食呢間。門面新淨企企理理, 見到OLEOLEOLE哩個店名自動係心入面唱左出黎嘩! 一見餐牌真係唔知點叫好，全部都吸引好想食價錢仲好抵添，3份墨西哥玉米餅、單拼雞肉配墨西哥烤餅、一盒檸檬茶呀唔該!玉米餅有雞肉, 牛肉同雜菜揀, 20蚊一份, 48蚊就有齊3份, 咁就梗係揀3份啦ORDER完我地就望住師傅既背影忙於煮我地既外賣, 每份都係師傅即場制作、保證份份新鮮! 好快就包好外賣比我地, 行去附近商場坐低食先。一打開，非常之香，全部好足料，D料多到一拎起就想跌出黎咁~ 雞肉烤餅薄餅皮口感好好又唔會好厚, 帶少少煙韌我中意, 包住雞肉蕃茄等等既材料之外, 仲有D汁醬, 食落唔會亁爭爭, 正! 至於玉米片就辣辣地令到佢更加香口, 其中牛肉玉米片味道寧舍突出, 玉米片脆卜卜既口感之下食到牛肉香同莎莎醬碎蕃茄同生菜等等, 味道同口感都好多層次另外外賣盒好好咁分隔左牛油果醬, 酸忌廉醬同埋碎蕃茄, 我自己就覺得無論加係玉米片度定係加係烤餅度都一樣咁好食食食下原來都好飽肚, 仲有一份烤餅留到上完堂
逢星期5都要入東涌，今日提早入去就係要同學生去食呢間。門面新淨企企理理, 見到OLEOLEOLE哩個店名自動係心入面唱左出黎
嘩! 一見餐牌真係唔知點叫好，全部都吸引好想食價錢仲好抵添，3份墨西哥玉米餅、單拼雞肉配墨西哥烤餅、一盒檸檬茶呀唔該!
玉米餅有雞肉, 牛肉同雜菜揀, 20蚊一份, 48蚊就有齊3份, 咁就梗係揀3份啦ORDER完我地就望住師傅既背影忙於煮我地既外賣, 每份都係師傅即場制作、保證份份新鮮! 好快就包好外賣比我地, 行去附近商場坐低食先。一打開，非常之香，全部好足料，D料多到一拎起就想跌出黎咁~ 雞肉烤餅薄餅皮口感好好又唔會好厚, 帶少少煙韌我中意, 包住雞肉蕃茄等等既材料之外, 仲有D汁醬, 食落唔會亁爭爭, 正!
至於玉米片就辣辣地令到佢更加香口, 其中牛肉玉米片味道寧舍突出, 玉米片脆卜卜既口感之下食到牛肉香同莎莎醬碎蕃茄同生菜等等, 味道同口感都好多層次另外外賣盒好好咁分隔左牛油果醬, 酸忌廉醬同埋碎蕃茄, 我自己就覺得無論加係玉米片度定係加係烤餅度都一樣咁好食
食食下原來都好飽肚, 仲有一份烤餅留到上完堂先當TEA咁食, 除左凍左之外一樣咁好味, 而且個皮竟然都無變硬首先要係東涌搵一間食墨西哥菜既餐廳都唔易, 就算有價錢都唔平, 依間雖然只係小店, 但食物質素絕對可以上大枱之餘價錢咁平, 真係好抵食! 而且即場製作一定係加分位。
呢間真係食過黎尋味，下次黎試吓佢d飯先!
今日直落4堂都夠哂消耗依份咁大既午餐
拜拜!
Post
