和味煮意

Open Now

Now Closed

呢幾日又凍返，又係食辣嘢嘅時候喇！今日難得去咗荃灣，一於搵返間辣嘢食下補下暖先。喺街市街有間新開嘅川菜，入邊有勁多嘢食，就試吓佢啦！我哋叫咗一個二人套餐，有一份大熱食，一份前菜，一份主菜，兩碗飯，分量十足，超抵食！👍🏻味道都好啱我哋口味😍酸菜魚 - 估唔到二人份量竟然會咁大份！魚肉有超多，粗略估計超過20舊！味道非常唔錯，我哋叫小辣啱啱好，酸菜味道唔會太酸，魚肉又嫩滑，強烈推介👍🏻👍🏻👍🏻 涼拌青瓜 - 同樣分量十足，青瓜爽口，配埋佢個口水麻辣汁，好惹味😍麻辣脆耳 - 麻辣汁超香，撈埋豬耳同青瓜絲， 撈飯一流😋成個套餐$400有找，食到捧住個肚走，性價比極高，一定返食！