友利坊 x 友利冰室 x 勿當奴 (Closed)

25/9/2023難得晚餐時間路過太子，去 友利冰室x勿當奴 食嘢先。之前已經試過食佢好出名嘅乳豬卡邦尼意粉，今次試吓食中式。呢個一人餐真係好誇張，我叫咗中式牛柳，啲牛柳多到呢⋯⋯⋯食極都仲有⋯⋯味道就偏酸（有啲似咕嚕肉嗰種汁）⋯⋯我都接受到嘅⋯⋯好啱送飯⋯⋯⋯ 菜又多（感覺上似係兩人份量嘅菜）⋯⋯仲有中湯飲 （紅蘿蔔湯，勁好飲）⋯⋯⋯一大碗白飯⋯⋯⋯仲有飲品添 （我要咗支羅漢果茶，不過對我嚟講有少少苦）食完真係飽到上心口😋😋😋😋😋