薄餅巨人

Open Now

Now Closed

話說呢日又想叫pizza，本來想呢cheese pizza。後來我醒起，不如叫Mr Big，貪佢等既時間唔會太耐。結果，都係45分鐘到。有時候，Cheese Pizza可以等超過1小時。蒜蓉包跟餐既其中一個選擇，味道都唔錯。個包既蒜蓉味頗重，而個包又唔算太硬。而且份量都幾多，都算幾抵食既。香草雞肉長通粉個味道有小小似曾相識，但我又覺得好食過Cheese Pizza。個雞肉既份量幾多，而且忌廉汁好惹味。而通粉都唔錯，食落好有咬口，又唔會太韌或者太淋。整體上，個份量我地都幾滿意，食完都有飽。炸雞基本上次次都會叫，貪佢皮薄多汁。而且雞肉真係好嫩滑，而且個醃味都幾夠，真係幾好食架。不過，個炸雞就比較油，食完真係會增磅。大和風格pizza主要材料有煙三文魚、獅子狗魚蛋、蟹柳等等。呢個pizza既配料都幾好食，而且用上千島醬。更可突顯pizza既美味。而且芝士既份量頗多，食落真係好滿足。其實，都係見佢有煙三文魚先食呢個pizza，哈哈。整體上，都係135元。都算幾抵食既，而且等既時間都幾合理。比起pizza hut，呢個Mr Big價錢同食物質素係有優勢既。