小清邁 (柯士甸大廈)

Open Now

Now Closed

今日遲咗收工，唔想煮飯，經過呢間泰式外賣店就買外賣返屋企，呢間泰式外賣店係泰國人主理，即叫即做，保證新鮮熱辣。 無骨海南雞飯$62份量都好足，又1/4隻雞,油飯大大碗。雞肉啖啖肉，肉質嫩滑，雞皮爽滑，沾上泰式海南雞醬汁，好好味。雞油飯調味剛剛好，好香，忍唔住一口接一口。泰式炒金邊粉 $58金邊粉炒得好有鑊氣，香噴噴，加上花生碎，好香口，配料亦都好多，有大量雞絲，豆乾，芽菜同韭菜。金邊粉質地爽彈，酸酸辣辣好味道。牛肉串燒3串 $54牛肉好惹味，啖啖肉，肉質唔嚡。個沙嗲醬汁係靈魂，花生醬味好香，少少辣，會令人食唔停口，係不能抗拒嘅誘惑。總括而言，呢間泰式店嘅食物份量都好大，抵食又好味。