喜運點心專門店 (Closed)

近排放假喺屋企無嘢做，同屋企人出下街去飲個早茶。孖寶餐有兩款，我哋揀咗腸粉餐。叉燒腸粉拉得好滑，中間叉燒肥瘦均勻，加咗芫茜食落更加香。另外點心揀咗蝦餃，蝦餃皮咬落煙韌有口感，蝦肉口感爽脆味道鮮甜。牛肉球啖啖肉軟滑彈牙，淋上喼汁酸酸地好好食。燒賣係用蝦肉整，上面加咗蟹籽更有咬口。金銀蒜帶子餃用咗蝦肉、蟹柳同帶子肉做餡，味道好豐富。外層加咗素翅同埋蟹籽作點綴。金錢肚蒸得好腍，入口軟嫩好入味。呢間餐廳嘅點心係即叫即蒸，食落特別好味！