王子廚房 (Moved) New Location

逛街逛到累走左去荃豐搵野食醫肚，其實成個商街一邊行一邊就有好多食市，但偏偏我比呢間吸引，因為有個ｔｖ仔係門口播緊有乜介紹，不知不覺停左陣睇一睇就決定入去試一試～叫左一個餐加個小食，包湯～要左紅湯，紅湯味道夠濃，完全沒有辣味，不過有少許辣會更香口。之後叫左個巴基斯坦豬脾肉飯，飯旁配雜菜，算叫做有點蔬菜平衡健康，飯硬度適中，咖哩可選不同辣度，我吃微辣剛剛好，一客飯大小足夠女生吃有多。這豬脾肉偏瘦，不會油膩，但相對沒那麼嫩。雞翼外觀好靚，陣陣香味撲鼻，外皮香脆，肉亦夠嫩，可惜不夠入味，只停留於表皮有味道。