海灣茶居 (Closed)

港灣茶居好多人叫餸食飯， 堂食外賣價錢都比較經濟， 地方闊落。 茶價每位$5 ， 五洗加一服務費， 我今晚叫左鼓汁蒸黃花魚跟白飯綠豆沙$72， 黃花魚魚肉新鮮， 蒸的火喉剛剛好， 佢劏開一半去蒸， 所以鼓汁都好入味，魚肉好滑同鮮味。 另外我叫左個湯， 係蟲草花雞湯。 好熱好濃， 非常足料， 好潤喉！ 另外叫左燒賣同蝦餃點心， 大大粒， 皮薄足料， 沒有粉感， 新鮮蒸出來仲出緊熱， 我仲叫左奶黃包， 奶黃包有3個， 奶黃包軟綿綿， 重奶黃味， 仲有啲流沙感， 好creamy! 最後仲有熱綠豆沙糖水， 甜度剛剛好， 綠豆沙好足料， 濃濃的蓮子同香草味！