Video
Read full review
2014-03-19
1451 views
之前團購咗2碗拉麵, 好似半價咁上下, 其實好耐之前行過見到呢間拉麵, 但太多人, 所以冇入去試過, 又咁啱見到咁抵, 於是買嚟試試..............由於上次七點左右經過已經好多人, 於是今次專登早D出嚟, 當是未夠六點半, 所以仲有大把位, 一到差不多七點, 已經坐滿咁濟, 可能佢呢度地方唔大, 廿幾個位再加幾個BAR枱位, 所以其實都好易滿坐, 而枱與枱之間都幾近下, 坐得唔係太自在, 所以都係快食快走................由於係團購, 所以特別有個MENU, 只有約十款拉麵比你選, 對我地未食過的人嚟講, 當然冇問題, 但最大問題係全部得個名, 完全唔知係咩餸, 只知係咩湯底, 就算正價果個MENU都係冇介紹每款拉麵有咩餸, 咁樣唔係太好, 一係你就逐樣問, 一係好似我地咁, 求其撞嚟叫~叫完拉麵後, D姐姐會係咁介紹你叫小食呀飲品呀咁, 到食完時, 又會拎個甜品MENU介紹, 有好又有唔好~ 八王子拉麵係牛骨湯底, 味道唔算太濃, 而且都幾油下, 至於配料有洋蔥粒、大蔥圈、海帶、1片鳴門卷、半隻溏心蛋、芽菜, 餸就係類似豬頸肉的物體, 有4片, 點解話係類
叫完拉麵後, D姐姐會係咁介紹你叫小食呀飲品呀咁, 到食完時, 又會拎個甜品MENU介紹, 有好又有唔好~八王子拉麵
係牛骨湯底, 味道唔算太濃, 而且都幾油下, 至於配料有洋蔥粒、大蔥圈、海帶、1片鳴門卷、半隻溏心蛋、芽菜, 餸就係類似豬頸肉的物體, 有4片, 點解話係類似豬頸肉? 因為平時食果D豬頸肉係好爽, 但佢呢D好林, 不過個樣又似豬頸肉, 又係燒熟的, 我當佢係豬頸肉咋~ 相反個拉麵就好彈牙, 好爽, 似係真正的日本拉麵~ 自家豚組麵
係豬骨湯底, 味道比牛骨湯底濃, 而仲冇咁油, 配料都係一式一樣, 只係餸就變咗做切到一粒粒的叉燒, 佢d叉燒外面有的黑椒碎, 應該係醃料, 因為咁啱有d邊位, 所以先食到黑椒粒, 變咗有少少辣, 個肉都好爽口, 雖然你見佢唔肥, 但一d都唔un, 又多粒, 粒粒都有半吋咁上下~仙台鹽燒牛舌粒
有大約十幾粒, 粒粒都有半吋咁大, 燒得都幾香口, 面頭有少少鹽, 咬落又好夠林, 開頭食熱辣辣, 覺得好正, 但唔知點解食多幾粒之後, 有少少反胃的感覺, 好似好油膩咁~ 吉列廣島蠔
有4隻, size唔大, 如果唔係熱辣辣, 真係可以一口一隻, 但由於新鮮炸好, 好鬼死熱, 要分幾啖先食得哂, 個皮係吉列豬果d皮, 好脆, 但都幾由下, 睇下墊底果張吸油紙就知~ 個粉漿皮唔算好厚, 按比例都係隻蠔佔多d~ 唔知係咪隻蠔細得濟, 唔係好食到有蠔味~當食完主菜後, 侍應姐姐拎個甜品menu比我地, 仲勁推介雪糕同布甸, 話啱啱今日先返到, 我見佢個MENU印哂日文, 猛話抵食, 話佢自己都成日買嚟食, 咁見佢廿零蚊, 又以為係日本空運到, 所以叫咗一杯雪糕一杯布甸, 點知食食下八掛睇下佢個成份, 先見到原來唔係日本製的, 係香港葵涌某工廈製的, 激死~ 如果係香港製, 只得咁細杯, 又真係唔係好抵lor~~ 雖然味道唔錯~
紫蕃薯雪糕
真係有一粒粒紫蕃薯粒, 而且都幾香蕃薯味, 又唔會太甜, 最好就係食完唔會放屁~ 北海道牛奶布甸
食落唔係真係好濃牛奶味, 不過都有d牛奶香味, 都幾滑, 我最鍾意個樽, 於是問下侍應姐姐可唔可以拎走, 佢不但話可以, 仲叫我地食完話比是旦一位姐姐聽, 佢地會幫我洗埋個樽tim~ 雖然係水滴滴咁比返我, 但都叫洗咗~ 整體上食物同招呼都唔錯, 上菜速度都算快, 可能係我地果陣冇乜人掛? 而且見佢好多肥仔畫, 同侍應姐姐d衫一樣, 原本想影低d畫, 但幅幅畫下面都有人坐, 我驚比人話做乜影佢, 所以只能用文字形容~
Post
