麵屋 元祖達摩 (Closed)

身為拉麵控,最鍾意搵D抵食既拉麵店過下口癮。黎到太和呢間元祖達摩當然要試下特上豚骨湯底拉麵啦,再追加左雞翼&梳打。首先湯底香,好濃而且不油膩,湯底溫度適中,大大啖飲都唔怕燙親!麵份對我個人黎講算多,因為餐單麵質好可以自己揀,自己都係保守少少揀普通,黎到個拉麵口感一流,有口感。豚肉大概都有7塊,肉質幾林,自己好怕食肥豬肉,好在豚肉唔肥,所以食落唔肥膩。基本上我成碗連埋個湯清哂。追加左個燒雞翼,外皮脆雞肉鮮嫩好惹味!最後叫左枝外型好可愛既梳打, 味道係波子氣水,不過呢支冇波子。同檯都會有一壺冰水,似足日本拉麵店。