Video
Read full review
2008-10-20
48 views
經常星期六放工都會去呢度買齋飯套餐返屋企，三餸加飯同湯，外賣自取只係$23唧。逢星期六仲有糖水送，超值之選。今次我選咗紅米飯，每日都有十二款菜式任揀，今次既餐單如下：１．羅漢上素２．鮮茄免治牛肉燴薯仔３．三參醬素雞翼４．三菰玉鬆滑豆腐５．火腿竽粒粟米蓉６．豉汁南瓜牛扒７．花菰栗子炆蓮藕８．芝麻素鴨９．炒白菜仔１０．桂林鮮竹炒津白１１．草菰蝦仁炒金銀蛋１２．時菜紅燒豆腐是日例湯係：無花果烋合掌瓜（裏面仲有紅蘿蔔、蜜棗、果皮，超多雜豆如紅腰豆、雞嘴豆、眉豆之類）糖水係：腐竹意米如果要人送上公司，就要$25一套架啦。不過，星期六係冇外送服務既。素鴨（係用腐皮夾住紫菜黎炸既）、乳豬（真係口感幾似架，如果現場食仲正添）、炒蛋、滑豆腐、炆蘿蔔、羅漢上素既菜式都做得唔錯架。我多數都會點炒蛋既，但屋企人如果知道果日有素鴨就一定唔會錯過。因為堂食地方有限，我都唔會想堂食。雖然俾$29就可以要任選一碟兩餸，而湯、米粉、炒麵同飯都任食，基本上外賣既份量都好夠食啦，都係慳返六蚊啦。
今次我選咗紅米飯，每日都有十二款菜式任揀，今次既餐單如下：
１．羅漢上素
２．鮮茄免治牛肉燴薯仔
３．三參醬素雞翼
４．三菰玉鬆滑豆腐
５．火腿竽粒粟米蓉
６．豉汁南瓜牛扒
７．花菰栗子炆蓮藕
８．芝麻素鴨
９．炒白菜仔
１０．桂林鮮竹炒津白
１１．草菰蝦仁炒金銀蛋
１２．時菜紅燒豆腐
是日例湯係：無花果烋合掌瓜（裏面仲有紅蘿蔔、蜜棗、果皮，超多雜豆如紅腰豆、雞嘴豆、眉豆之類）
糖水係：腐竹意米
如果要人送上公司，就要$25一套架啦。不過，星期六係冇外送服務既。
素鴨（係用腐皮夾住紫菜黎炸既）、乳豬（真係口感幾似架，如果現場食仲正添）、炒蛋、滑豆腐、炆蘿蔔、羅漢上素既菜式都做得唔錯架。我多數都會點炒蛋既，但屋企人如果知道果日有素鴨就一定唔會錯過。
因為堂食地方有限，我都唔會想堂食。雖然俾$29就可以要任選一碟兩餸，而湯、米粉、炒麵同飯都任食，基本上外賣既份量都好夠食啦，都係慳返六蚊啦。
Post