Video
Read full review
2023-06-10
1770 views
諗一諗，原來都好耐無食過韓國嘢，今晚趁老婆自己都有飯局，就約咗老表晌荃灣食韓國嘢。餐廳就喺佢公司後面，所以，可以講就晒佢，佢就話呢間嘢唔錯，定價好街坊，可以講喺平靚正之選，仲喺街坊飯堂。 店內環境唔喺好大，左右兩邊卡位，中間可以變化嘅六人枱，算喺整齊企理，樓底亦算高，所以，感覺唔會好侷促，而牆上好多色彩繽紛非常吸引嘅食物照片。仲有，啲卡位椅背加高咗，中間啲枱仍繼續放啲隔板，就算唔喺為防疫，都比較衛生多啲！翻一翻翻睇，有好多選擇，確實定價相宜，分類有石頭鍋飯、鐵板燒飯、湯類、飯類、韓式涼拌、辛辣麵、湯年糕、2-4人套餐、小食、部隊鍋及飲品，仲要唔收加一，我哋就睇啱個二人餐A （$228），因為包咗好多嘢，性價比超高。 呢度用二維碼落單，相信依家唔少人都熟習使，唔使多介紹。枱側嘅抽櫃放滿餐具、餐紙，就好似茶記嘅設計咁樣，方便啲食客嘛！ 二色前菜食韓國嘢其中一個特色就啲前菜，套餐包咗兩款，分別喺韓式泡菜及涼拌海帶，既能夠清新吓，又可以作為間場。啲泡菜好啱我口味，因為唔太辣，口感帶點爽脆 而海帶柔韌有咬牙，充滿麻油香味。 韓式煎泡菜餅最欣賞就喺個煎餅以鐵板形式上，所以，食到中段都仲喺熱焫焫，此
店內環境唔喺好大，左右兩邊卡位，中間可以變化嘅六人枱，算喺整齊企理，樓底亦算高，所以，感覺唔會好侷促，而牆上好多色彩繽紛非常吸引嘅食物照片。仲有，啲卡位椅背加高咗，中間啲枱仍繼續放啲隔板，就算唔喺為防疫，都比較衛生多啲！
翻一翻翻睇，有好多選擇，確實定價相宜，分類有石頭鍋飯、鐵板燒飯、湯類、飯類、韓式涼拌、辛辣麵、湯年糕、2-4人套餐、小食、部隊鍋及飲品，仲要唔收加一，我哋就睇啱個二人餐A （$228），因為包咗好多嘢，性價比超高。
呢度用二維碼落單，相信依家唔少人都熟習使，唔使多介紹。
枱側嘅抽櫃放滿餐具、餐紙，就好似茶記嘅設計咁樣，方便啲食客嘛！
二色前菜食韓國嘢其中一個特色就啲前菜，套餐包咗兩款，分別喺韓式泡菜及涼拌海帶，既能夠清新吓，又可以作為間場。啲泡菜好啱我口味，因為唔太辣，口感帶點爽脆 而海帶柔韌有咬牙，充滿麻油香味。
韓式煎泡菜餅最欣賞就喺個煎餅以鐵板形式上，所以，食到中段都仲喺熱焫焫，此外，不得不讚個煎餅煎得香口，裡面有好多泡菜同韭菜，食落去餅身軟糯，味道豐富，確喺做得有水準。
韓式煎泡菜餅
10 views
0 likes
0 comments
炆牛肋骨煲套餐寫明包一個白飯，正正用嚟襯返呢個牛肋骨煲，牛肋骨都睇得見裁到好大件，好有肉地，咬落去口感鬆化，肉味極之濃郁，絕對喺真材實料，連啲蘿蔔亦都好鮮甜，皆因吸滿湯汁，而個湯本身都唔好錯，濃而不濁，極具香氣。
石頭傳統雜錦牛肉飯細細個認識韓國菜就喺石頭鍋飯，唔係講笑，嚟到過石鍋真喺熱到出煙，除咗牛肉，飯面仲放有泡菜、菠菜、芽菜、紫菜、蘿蔔絲、雞蛋黃，再加上啲韓式甜辣醬佐食，撈勻一齊食真喺食味一流，而且，仲有啲飯焦晌底，正呀喂。
石頭傳統雜錦牛肉飯
12 views
0 likes
0 comments
熱蜂蜜蘋果茶、凍蜂蜜紅棗茶套餐包任揀兩款冷熱飲品，喺轉特飲先要加$12，我哋就慳啲啲飲番基本嘅都OK。睇樣你都知喺用現成貨開沖，不過，小弟杯蜂蜜紅棗茶又真喺幾有紅棗香味，帶蜜糖清香，又幾唔錯喎。
呢個餐真喺超抵食，食到我哋都好飽㖭，再者，食物有一定質素，招呼亦都好好，店員都好有禮貌，怪唔之得未嚟到食飯高峰時間，已經坐到滿晒人，亦見到有唔少外賣，可見幾受街坊歡迎。
Post
