洪師父牛肉麵

Open Now

Now Closed

去到沙田食晚餐，見到度度都好多人，就黎左連城商場呢度搵野食，最後揀左洪師父。呢間係台式餐廳，快餐店既級數，價錢都唔貴，一個飯餐都係$70到，個飯餐就係一碗魯肉飯配一碟餸。今日就選擇左食鹽酥雞和香酥雞，兩款雞都好好味，炸到好香酥，D雞你可以係點單果時選擇加唔加辣粉，個人認為都幾辣，唔食得辣既人唔加會好D，炸雞既份量都好多（食哂飯仲有雞剩，因為唔想浪費都全部食哂）。魯肉飯好入味，肉碎都好多又有半隻蛋勁足料呀。最後仲加左個甜品芋圓，都係$30到，呢個味道就一般啦，同糖水店就差幾個LEVEL，可以唔食都得。