Video
Read full review
2019-06-20
140 views
-🦄金牌源記-一人精選海鮮餐 Hkd288Rating🌕🌕🌕🌖🌑-父親節👨🏻既時候來到呢間餐廳到慶祝🎉主打食海鮮蒸鍋🐙🦑🦐套餐以人頭計👻有十多款時令既海鮮 同埋湯呀糖水咁🤭餐廳唔需要收加一服務費😆收288就係288不過絕對建議大家要先訂座😂因為個場都幾爆下想食冇先訂座想walk in就會困難啲喇😌😌-食海鮮前先送上一碗燉湯🥣清清甜甜咁 唔太油膩都會飲到蟲草花同啲松茸既鮮味 唔錯👌🏻👌🏻然後好快送上一鍋鍋既海鮮等蒸😽😽每鍋海鮮蒸既時間都唔同架 不過跟返佢個指引就可以而且啲staff都不時會過來幫你 基本上唔需要自己搞😺-🦞波士頓龍蝦都幾大隻 加左勁多蒜蓉一齊蒸😻重口味人士會大愛 龍蝦肉都彈牙不過略嫌佢韌左啲-🦐清蒸海蝦每人會有3隻 蝦肉爽口彈牙 不錯👍🏻-💕果皮蒸十頭鮑魚應該大家都會好中意🤤佢果皮味係好重🤧比鮑魚完完全全咁吸引曬唔中意果皮既你就好可惜喇💩鮑魚又係超級大隻因為佢始終係十頭 感覺到好豐富既蛋白質呀Haha🥴鮑魚可以簡清蒸同𠝹花 其實冇咩分別 純粹𠝹左花靚啲-🦀荷葉蟹飯係食曬咁多鍋野最後先會食既😱😱但其實呢個時候 大家已經飽到不行 所以飯都食剩少少因為佢個飯都幾大兜 一人起碼要
🦄金牌源記
-
一人精選海鮮餐 Hkd288
Rating🌕🌕🌕🌖🌑
-
父親節👨🏻既時候來到呢間餐廳到慶祝🎉
主打食海鮮蒸鍋🐙🦑🦐套餐以人頭計👻
有十多款時令既海鮮 同埋湯呀糖水咁🤭
餐廳唔需要收加一服務費😆收288就係288
不過絕對建議大家要先訂座😂因為個場都幾爆下
想食冇先訂座想walk in就會困難啲喇😌😌
-
食海鮮前先送上一碗燉湯🥣清清甜甜咁 唔太油膩
都會飲到蟲草花同啲松茸既鮮味 唔錯👌🏻👌🏻
然後好快送上一鍋鍋既海鮮等蒸😽😽
每鍋海鮮蒸既時間都唔同架 不過跟返佢個指引就可以
而且啲staff都不時會過來幫你 基本上唔需要自己搞😺
-
🦞波士頓龍蝦都幾大隻 加左勁多蒜蓉一齊蒸😻
重口味人士會大愛 龍蝦肉都彈牙不過略嫌佢韌左啲
-
🦐清蒸海蝦每人會有3隻 蝦肉爽口彈牙 不錯👍🏻
-
💕果皮蒸十頭鮑魚應該大家都會好中意🤤
佢果皮味係好重🤧比鮑魚完完全全咁吸引曬
唔中意果皮既你就好可惜喇💩鮑魚又係超級大隻
因為佢始終係十頭 感覺到好豐富既蛋白質呀Haha🥴
鮑魚可以簡清蒸同𠝹花 其實冇咩分別 純粹𠝹左花靚啲
-
🦀荷葉蟹飯係食曬咁多鍋野最後先會食既😱😱
但其實呢個時候 大家已經飽到不行 所以飯都食剩少少
因為佢個飯都幾大兜 一人起碼要食3-4碗先可以清曬
啲飯吸收曬蟹既鮮味 佢啲蟹黃 蟹油 蟹膏 超邪惡呀
佢啲蟹既蟹黃都多架 見到啲飯慢慢變做黃色係好治癒
連平時唔食蟹 更加唔食蟹黃蟹膏既細妹 都食左4碗
-
🐟大鱔同龍躉都係超級滑既 魚肉係幾嫩 而且冇骨
容易入口唔怕啃親 我個人幾中意大鱔個汁🤔🤔
係令人更加開胃 而龍躉雖然係清蒸 但都唔會好清淡
食到佢既原汁原味 龍躉本身就要有既鮮甜味😬
-
清蒸菜芯可能大家覺得寡左啲 事實又唔係咁🥬
因為佢加左梅菜 所以味道會提升左好多😳
不過我就覺得如果用菜芯苗會好好多😣😣
因為我唔係咁中意食啲咁粗既菜莖 勁難咬
滿口都係粗纖維Haha 但我又幾欣賞佢😛
食左咁多海鮮咁多肉 會配返啲菜中和返
感覺上冇咁大罪惡感 多啲菜好呀健康啲😂
-
油鹽水大蜆既蜆又真係大既 而且冇咩沙😏😏
之後既蒜蓉蒸蟶子同扇貝又係重口味人士最愛喇
蒜蓉味超香口 超好食 佢粒扇貝都幾大粒
蟶子我第一次食唔太識分點先至係靚蟶子😚
不過第一次食蟶子感覺不錯 都會係我愛既貝類海鮮
-
最後仲有魷魚筒配超似腸粉既長春粉？
食埋呢個粉又點會唔飽呀 全是澱粉質呀🥺
我係簡左配梅汁既 所以味道甜甜酸酸咁 幾Fresh
不過呢個魷魚筒相比其他海鮮可能普通左啲啲
最後最後仲會有糖水食 呢個係雪耳糖水🥣
清清甜甜既味道 唔會過分甜 呢個甜度剛剛好呀 不錯
飲完就好似解左海鮮既油膩感咁 然後再望望自己個肚
大到好似有左3個月咁 今餐真係食超級多野超滿足
-
整體而言 近排係好興海鮮蒸鍋 定其實都興左好耐
不過呢間店都係新開既店 係荃灣呢個人流都多既位置
呢個價錢同呢個質素我覺得不錯 佢又唔洗加一
不過來緊我會想嘗試更多唔同既海鮮蒸鍋既餐廳
希望再同大家分享同比較下 等我呀😳🥺😳🥺
-
Post
