雲鶴 (Closed)

我哋對$228一位日式放題沒什麼期待，9大2小想中餐以外搞新意試下放題生日飯，地點敲定在工厦內的雲鶴。沒期待反而甚有驚喜！地點算就腳，係荔枝角地鐵站附近，樓下亦可泊車。不過上樓位置有點隱蔽，搵唔到要打電話問清楚。店內環境尚算乾淨企理，餐桌間不算太窄。七點到達，我哋即刻點了不少食物，等了十多分鐘，食物終於現身。首先係刺身船，牡丹蝦、赤貝、油甘魚都非常美味。明白一分錢一分貨，但刺身真的有驚喜，不但沒雪味，而且鮮甜、爽脆！即叫即炸天婦羅，中上分數，必試！我哋人多試了大部份鍋物、燒烤羊架、豬腩肉、蕃薯等，質素非常滿意。還有小朋友必食的阿波羅雪糕及雪條。值得一提是侍應有禮，招呼也算落力，餐廳不收切餅費亦細心幫我哋奉上。