Video
Read full review
2023-07-10
126 views
💁♀️💁♂️ 29/6/2023(Thu), Dinner🍽💁♀️為食妙妙同💁♂️A先生就間中都會去中環嘅蘇豪區搵食，至於西灣河嘅蘇豪東我哋就比較少去。知道呢度嘅梅吉涮涮鍋有和牛任食火鍋🍲，個湯底仲會有隻好得意嘅冰牛牛🐮，今晚一於去新地方食個得意冰牛牛火鍋🍲先！而今晚我地order咗：🔆 全日放題套餐A - 日本黑毛和牛 ＋日本米豚肉（任食120分鐘）（$298/person）落單之後先選擇湯底，因為係一人一鍋嘅關係，所以💁♀️為食妙妙同💁♂️A先生可以各自揀一款湯底。店方提供共5款湯底可供選擇，分別係：梅吉鍋、日式海草美顏鍋、芝士🧀️湯鮮茄🍅鍋、酸辣🌶️鍋同麻辣🌶️仙鍋。最後我哋揀咗芝士🧀️湯鮮茄🍅鍋同埋麻辣🌶️仙鍋，上枱時先有個鍋同埋湯底，之後侍應會加入一隻可愛嘅冰牛牛🐮入鍋入面，原來隻冰牛牛🐮係雞湯嚟嘅，慢慢溶化之後就完成個湯底可以打邊爐🍲。芝士🧀️湯鮮茄🍅鍋蕃茄🍅味道香甜，帶點蕃茄嘅甜味，店方另外會俾一小碟芝士🧀️俾你放入鍋內。而麻辣🌶️仙鍋則有十分香濃嘅麻辣味道，呢個味道仲隨住湯底越滾越變得濃郁，非常刺激，適合喜歡麻辣嘅💁♀️為食妙妙。店方用嘅係日本十勝產和牛，視乎客人選擇嘅套餐而提供唔同級
💁♀️💁♂️ 29/6/2023(Thu), Dinner🍽
💁♀️為食妙妙同💁♂️A先生就間中都會去中環嘅蘇豪區搵食，至於西灣河嘅蘇豪東我哋就比較少去。知道呢度嘅梅吉涮涮鍋有和牛任食火鍋🍲，個湯底仲會有隻好得意嘅冰牛牛🐮，今晚一於去新地方食個得意冰牛牛火鍋🍲先！
而今晚我地order咗：
🔆 全日放題套餐A - 日本黑毛和牛 ＋日本米豚肉（任食120分鐘）（$298/person）
落單之後先選擇湯底，因為係一人一鍋嘅關係，所以💁♀️為食妙妙同💁♂️A先生可以各自揀一款湯底。店方提供共5款湯底可供選擇，分別係：梅吉鍋、日式海草美顏鍋、芝士🧀️湯鮮茄🍅鍋、酸辣🌶️鍋同麻辣🌶️仙鍋。最後我哋揀咗芝士🧀️湯鮮茄🍅鍋同埋麻辣🌶️仙鍋，上枱時先有個鍋同埋湯底，之後侍應會加入一隻可愛嘅冰牛牛🐮入鍋入面，原來隻冰牛牛🐮係雞湯嚟嘅，慢慢溶化之後就完成個湯底可以打邊爐🍲。
芝士🧀️湯鮮茄🍅鍋蕃茄🍅味道香甜，帶點蕃茄嘅甜味，店方另外會俾一小碟芝士🧀️俾你放入鍋內。而麻辣🌶️仙鍋則有十分香濃嘅麻辣味道，呢個味道仲隨住湯底越滾越變得濃郁，非常刺激，適合喜歡麻辣嘅💁♀️為食妙妙。
店方用嘅係日本十勝產和牛，視乎客人選擇嘅套餐而提供唔同級數嘅和牛，我哋選擇嘅A套餐就無指定級數，但牛肉上枱時嘅油花分佈都好靚，入口軟嫩有油脂香，當你食到咁上下侍應就會再上另一盤肉俾你，又或者可以向侍應落單都得。而豚肉則肥瘦得宜，食落有肉味又有油脂嘅香氣。
其他配料、醬料同飲品可以去到近門口嘅自助區自取。
配料方面都有唔少選擇，大路嘅蔬菜都好新鮮翠綠；粟米🌽都有兩款可以揀，除咗一般嘅粟米🌽，仲有糯米粟；其他蔬菜仲有海帶、蘿蔔、萵筍等；丸類、午餐肉、鵝腸同埋鵝肝等都有供應，鵝腸肥美，煮熟口爽脆油潤；鵝肝比較少見，切件再煮完入口軟糯好食；另外仲有海鮮例如蟶子、青口、蜆、沙白、翡翠螺、蝦、原條小䱽魚、鯇魚件都有提供。
飲品方面就有原支嘅米水紅豆🫘爆珠、鮮龍眼肉爆珠冰茶、豆漿、初戀青提爆珠冰茶同埋洛神花芒果爆珠。全部飲品都唔係好甜，飲落清清哋，飲多少少都唔怕。比較特別嘅有米水紅豆🫘爆珠，紅豆🫘味嘅爆珠同清甜米水都幾夾；初戀青提爆珠冰茶加有薏米，有清熱祛濕同健脾之效；洛神花芒果爆珠就酸酸甜甜，十分開胃消滯。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：8.5/🔟
❤🙆♀️(為食妙妙)整體食評：8.5/🔟
👉🏻 餐廳冷氣足夠❄️，最重要係每個鍋嘅位置都好似韓燒咁有抽氣系統，抽走晒啲水蒸汽，唔會邊食邊俾蒸汽蒸住塊面
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 餐廳門口沿路都有一堆錶位🅿️，等一等應該唔難有位
👉🏻 西灣河港鐵站行過嚟大約10分鐘左右，交通尚算方便
🔆🔆🔆🔆🔆🔆🔆🔆🔆🔆🔆🔆🔆
Post
