魚心日本料理 (Closed)

星期日午餐本來想去一間同朋友食開既女人街韓國野，途經呢間野又見到d午餐又幾抵，於是就轉啦😅，1200入去都好多人，心諗大概唔伏得去邊啦掛🤣堅係大件夾食，自覺都算大食，朝早冇食早餐🙈，但食哂真係覺得幾飽，雖然小店壽司質素始終不能同出名店舖比，但真算唔錯，芝士同沙律醬夾埋係幾好食，話係細卷但我覺得都幾大舊吓😂。呢個價錢有6件咁多，都幾有良心，不過佢拉麵係冇其他餸既～個人覺得麵較重麵粉味，但唔算好難食，份量比我食既同區日本野食店都多，而且仲送汽水，仲係樽裝即開添‼️不嬲都唔飲汽水既我都覺得幾吸引，呢個lunch set整體都好抵食👍🏻店舖衛生睇落都👌🏻，只係裝修殘舊，我食果份睇落係乾乾淨淨🤣，舖面唔大，一大班人一齊食應該要分開坐。