MOS Burger Express

Open Now

Now Closed

經過見到覺得好吸引，於是就買左佢期間限定嘅特級和牛漢堡試下。特級和牛漢堡（$31）呢個包有番茄、和牛漢堡、生菜、芝士。一直覺得mos burger嘅番茄好粉，唔好食，但係和牛漢堡入面塊番茄都幾好食。和牛方面，比起普通嘅摩斯漢堡佢更加有牛味，同埋口感實啲，肉質又嫰啲。包入面有啲類似燒肉醬嘅醬汁，同個和牛漢堡好夾，啱曬我口味。摩斯雞塊（$26）今次跟餐叫左個摩斯雞塊，好貼心嘅包裝，可以就咁撕開張紙然後攞住，唔洗整污糟隻手。食落有啲似隔離嘅脆辣雞腿，外皮香脆可口，但係冇咁辣。抹茶鮮奶（＋$6）跟餐配飲品，但係轉抹茶鮮奶要加6蚊，飲落都好濃抹茶味。話說我今次叫左少冰，然後冰係會同份量一齊少左嘅。而家摩斯漢堡係用盒裝，好方便。