友誼泰國菜館 (Closed)

朋友帶我去九龍城食泰國嘢，我第次黎呢間，2個人叫左鮮蝦炒乾河（HKD68），咸魚炒椰菜苗（HKD68），同店員推介檸檬燒牛肉（HKD108）。PS. 唔記得影餐牌，價錢屬印象派。我幾鍾意個炒河，雖然話係乾炒，但係一d都唔乾身，少少濕。應該用甜豉油炒，唔會太鹹，甜甜地，最重要夠鑊氣，有dd焦香啱晒我心意，一個人食都可以當lunch食。炒椰菜苗就正常嘢，無咩特別，如果d苗可以再嫩d仲正。其他枱都有叫檸檬燒牛肉，應該係佢地招牌之一，肉嘅表面有d脆口。雖然話檸檬燒，但出奇地唔酸，少少咸。燒到裡面仲有少少生生地，啱啱好唔流血。不過肉同脂肪嘅比例係1：1........如果可以少d脂肪就好喇。