蝦蝦燒

Open Now

Now Closed

好耐無黎過呢間任食bbq,而家巿道依然唔旺，星期六下午去到，全場4，5枱客，所以我都決定出post支持下，希望呢間做得住。先講重點既大頭蝦，自己活捉放入冰桶，等佢暈咗就可以燒。 隻隻新鮮，爽口彈牙，而燒既過程，自己落調味粉，有粗鹽，椒鹽，辣椒粉，同孜然粉。 出面亦可攞蒜蓉，葱，豉油，牛油等。除咗蝦，海鮮吧都有好多選擇，例如鮑魚，扇貝，帶子，生蠔，幾款海魚，魷魚，蜆。食完海鮮，去攞串燒都好正，除咗有大路既肉類外，豬大腸，咖哩魷魚，菠蘿等都好吸引，其實每樣食一次都好足夠。一次性既有每人一串既鰻魚。老實講，我係唔食鰻魚，但佢醃得好好味，所以我食到。可想而知都係幾好味。 而太肚餓既話，可以出去吧枱攞住啲燒蝦食下，仲有其他小食。環境方面十分乾淨企理，飲品種類亦多，啤酒都3，4款，有青島，有泰國象啤。埋單有8折，340蚊一位落樓。 見而家咁既生意額，真係希望大家多啲本地消費啦。