蜀府川鍋 (Closed)

依幾日都幾多出街食飯，有個朋友就住係附近，話諗住約埋幾個一齊係附近食海鮮蒸氣鍋，依頭我就唔係咁熟路，所以就由佢帶路啦。依間舖唔係地鐵站大商場附近，有小小近工業大廈，所以唔係朋友帶黎可能都唔多覺依間舖存在。但係野食係幾抵食喎，海鮮都幾新鮮。我地四個人首先叫左個4人海鮮鮑魚雙層蒸氣塔，559蚊一個set，一個人計都係140蚊，但材料就好足，有一盤大大盤既海鮮，有鮑魚，鮑魚仲識郁既，龍蝦，蜆、蒜容粉絲扇貝、蚌、沙巴魚，虫草雞，同埋粟米。甜品就有手工芝麻綠茶芋茸餅。海鮮都好鮮，龍蝦啖啖肉。首先食海鮮先，最後就蒸埋雞。因為只係食海鮮唔夠，就加多碟手切極品韓牛，288蚊。雖然係貴左D，但就物有所值，牛味真係好重，入口半即溶，以我依個牛肉愛好者而言，絕對值得一試。另外，亦都試左一個四川小食，蒜泥白肉。佢依度既蒜泥白肉入面加左D青瓜，清清地感覺係幾清新。食哂所有野之後就落米煮粥，我地仲加埋48蚊有海膽落埋去煮，食完個粥就岩岩好。埋單一人二百幾蚊，幾抵食。