鍋心海鮮火鍋 (Closed)

天氣凍咗就想打邊爐，同大家推介下觀塘鍋心海鮮火鍋，鍋心出名食海鮮當然立刻試下啦❤️店舖環境寬闊，無傳統火鍋店擠迫感。我哋當然係揀🦞🦀龍蝦肉蟹餐，加埋火鍋配料，基本上叫一轉已經夠食😋鴛鴦湯底就揀咗瑤柱蘿蔔豬骨湯鍋+四川麻辣火鍋(少辣)自選海鮮有5款，無錯係5款。我哋揀咗鮑魚，多寶魚，魷魚，帶子同貴妃蚌。另外我哋有另外叫今日特價海鮮台山蠔🦪。海鮮十分新鮮，最值得讚係龍蝦，肉蟹。火鍋配料分量剛好，叫一轉已經夠飽。