林洪記水產

Open Now

Now Closed

過年前夕，想食餐好嘅同班老友聚吓，就嚟咗食海鮮火鍋。呢間餐廳收費唔高，選擇都算多，見到都幾多人幫襯。我本身好鍾意食海鮮，對海鮮嘅要求都幾高。今次嚟到感覺都幾滿意。啲海鮮好新鮮，湯底又鮮甜。我哋叫咗個海鮮火鍋放題，出餐速度好快，啲海鮮都好新鮮，有花蟹、大頭蝦等。我特別鍾意食花蟹，蟹膏好鮮甜啖啖肉。生蠔都好大隻鮮味。唯一美中不足嘅係青口，我覺得差少少，唔夠鮮甜。不過整體嚟講都算 可以接受。最令難忘嘅係用蒸氣火鍋蒸完海鮮嘅湯底，超鮮甜！我哋最後仲用湯底煮咗碗粥，食落好正。呢個價錢嚟講，可以食到咁多嘢，我覺得真係超抵。