籠太子點心專門店 (Closed)

一盅兩件搵埋三個四眼五友走去食返六七八碟九大簋十分疏肝。對就對完喇，希望大家唔好嘔到一地血啦～飯就點都要食嘅，有時諗唔到食乜，除咗我最鍾意食嘅日本嘢，我第二樣諗到嘅就係飲茶。不過而家除咗去傳統酒樓先食到點心之外，點心店都開到成行成市，我就試過呢間性價比幾高嘅籠太子點心專門店，嘆番個一盅兩件疏肝下先。原隻鮑魚燒賣 ($30)一個字，抵！見到粒鮑魚，唔係頂點特點都起碼係極點啦！咁嘅價錢，食到用新鮮豬肉同蝦蒸出嚟嘅燒賣，起碼你食得出真自己做嘅，唔係交嚟嘅，性價比滿分啦！多汁小籠包 ($22)包皮不至於太厚，亦都唔會一夾就穿，將小籠包成粒擺落口一咬，啲肉湯混和埋啲豬肉餡不至於味道太鹹，亦都冇雪味，合格。流沙奶黃包 ($24)所謂流沙，係要整到會流嘅奶黃，夾雜着好似沙嘅鹹蛋黃，所以比例好重要。搣開佢睇住啲餡流出嚟果種治癒感，真係好難寫出嚟～佢哋嘅奶皇包都整到呢個效果，味道亦唔會太甜，最緊要係夠熱，所以食嘅時候要小心啲，唔好辣親條脷呀！魚肚水餃 ($22)籠太子蝦餃皇 ($15)皮蛋牛肉腸 ($25)略嫌皮厚得滯，不過餡喺足嘅 是日老火湯($18)對於我呢啲冇住家飯嘅人來講，抵！