籠太子點心專門店 (Closed)

閒時都好鍾意去嘆下一盅兩件，籠太子喺筲箕灣東大街最近開咗分店，即刻去試吓先🥳裝修以湖水藍為主調，座位都幾闊落，坐得好舒服。點心全部即叫即蒸，上枱熱辣辣！仲好抵食，兩個人叫咗6款😋食到捧住個肚，每人70幾蚊，真係抵！而且冇加一，茶錢$3一位。我地叫咗～原隻鮑魚燒賣 $30魚肚水餃 $22流沙奶黃包$24不是炸兩 $26海皇芝士千絲卷 $26椰汁桂花糕$19令人最有驚喜係「不是炸兩」💗滑滑嘅腸粉裏面包著唔係油炸鬼，而係炸腐皮，餡料仲有西芹同鮮蝦🤤入口又滑又脆，好食！「椰汁桂花糕」都唔錯，不會太甜，賣相精緻，好有椰香。呢度仲有原隻鮑魚燒賣，哇正啊🤤 一籠有2粒， 雖然鮑魚細細粒，味道唔算好大驚喜，不過平民價👍🏼食得都開心🥳而「海皇芝士千絲卷」好香脆，但係比較油膩，餡料較少，而又沒有太多芝士味，個人覺得這款沒有其他的好。整體感覺很舒適，價格好親民，屬於抵食嘅點心店。