Video
Read full review
2023-07-16
124 views
自從開得返堂食以嚟，已經好耐都冇外賣過返屋企食，呢間三文治外賣小店超級抵食，而且款式都幾吸引！呢間舖頭以前已經留意開，而家轉咗新店，更加闊落就腳，油麻地地鐵站一出就係！小店主要都係一啲滑蛋嘅三文治組合，全部嘅餡料都大大份，鹹食甜食都有，選擇都幾多，啱晒外賣買返屋企或者趕時間又咁啱喺呢頭嘅人！------------------------------🐖◖表弟三文治◗ $32呢款係佢哋全新推出嘅系列之一，個名改得好搞笑，據稱係店主表弟最鍾意嘅三文治！裏面係經典火腿芝士滑蛋加肉鬆，肉鬆酥脆鹹香，芝士有少少熱溶嘅感覺，少少奶香同肉鬆嘅香味加埋一齊，個人幾鍾意！ 🍄◖Double濃厚松露蘑菇滑蛋治◗ $38黑松露幾香，同滑蛋一齊食酸酸甜甜咁，都幾開胃，但佢嘅醬料比較多，建議同人分食，自己一個食晒會有啲漏呢～ 🌿◖招牌勁芫荽餐肉滑蛋三文治◗ $33呢個係佢哋嘅招牌，勁厚切爆餡！大大塊餐肉加上芫荽滑蛋，大大啖好滿足！🧋◖皇牌奶茶◗ +$8任何三文治加$8就可以有樽仔嘢飲！奶茶絲滑，用咗自家調配嘅茶底，唔會太澀又唔會太甜，幾好飲！☕️◖滴漏咖啡◗ +$8咖啡好濃郁，有啲似茶餐廳嗰種～🌟 En
------------------------------
🐖◖表弟三文治◗ $32
呢款係佢哋全新推出嘅系列之一，個名改得好搞笑，據稱係店主表弟最鍾意嘅三文治！裏面係經典火腿芝士滑蛋加肉鬆，肉鬆酥脆鹹香，芝士有少少熱溶嘅感覺，少少奶香同肉鬆嘅香味加埋一齊，個人幾鍾意！
🍄◖Double濃厚松露蘑菇滑蛋治◗ $38
黑松露幾香，同滑蛋一齊食酸酸甜甜咁，都幾開胃，但佢嘅醬料比較多，建議同人分食，自己一個食晒會有啲漏呢～
🌿◖招牌勁芫荽餐肉滑蛋三文治◗ $33
呢個係佢哋嘅招牌，勁厚切爆餡！大大塊餐肉加上芫荽滑蛋，大大啖好滿足！
🧋◖皇牌奶茶◗ +$8
任何三文治加$8就可以有樽仔嘢飲！奶茶絲滑，用咗自家調配嘅茶底，唔會太澀又唔會太甜，幾好飲！
☕️◖滴漏咖啡◗ +$8
咖啡好濃郁，有啲似茶餐廳嗰種～
🌟 Encore指數：8.9/10
Post
