E FOR EGG (Moved) New Location

繼續介紹大圍好西，今次去食呢期好興嘅滑蛋多士，店內只得4個位，唔想喺烈日下等咁耐最好早啲黎。吐司即叫即製，點單後要等10分鐘左右。牛油果蛋沙律盒子吐司：望落好吸引，餡嘅份量多到一切就流出黎，吐司烘到金黃色，脆到好似食薯餅咁，好香牛油味。咁啱我嗰日個牛油果唔係幾靚，淋但帶苦味，沙律醬頗酸，對我黎講太多醬汁有啲溜，阿妹就覺得呢款個餡係凍嘅夾啲，真係好睇個人口味。招牌三重芝士滑蛋盒子吐司：呢個我真心推薦！好食過Isxxc多多聲，炒蛋好滑，夾住半溶芝士同少少酸嘅醬汁，面頭就有巴馬臣芝士碎，我覺得個餡同個吐司都熱辣辣好食啲。凍茉莉花茶：有淡淡嘅花香，正正常常。