Mina House (Closed)

甜品buffet, 每人158蚊，都幾抵食，啱晒d超鍾意食甜品嘅人。佢呢度嘅環境非常好，座位好舒適闊落，好鍾意呢度呀！另外，職員嘅服務都好好，好有禮貌，加分！今次甜品可以話係好多選擇，食到好滿足。嗰度提供十幾款甜品，我試晒全部之餘，仲有d試咗幾舊，除番開每舊都唔洗十蚊，真係好抵呀。綠茶紫蘇蛋糕有好香濃嘅茶味，而且甜味啱啱好，我個人超鍾意食綠茶，所以非常鍾意呢個蛋糕。芒果熱情果蛋糕都好清甜， 上面的芒果都好甜添，而且加咗熱情果可以帶起芒果嘅鮮味，佢嘅味道亦都唔會過酸，好清新好好味。仲有好多款甜品，例如香橙乳酪蛋糕，曲奇餅，鮮果杯等等，最貼心嘅係佢喺每款蛋糕寫上咗需要製作甜品嘅材料，例如牛奶 ，花生，大豆等，等人知道每款甜品嘅成分係有啲咩，真係幾好㗎。食完甜嘢想食番杯健康啲而且令到個味覺冇咁膩嘅嘢就可以攞番杯鮮果杯，裏面有西瓜，菠蘿，蜜瓜，全部都好甜好清甜，我自己都食咗成三杯咁多，因為真係好好食！