Video
Read full review
2022-09-23
44 views
上星期去完酒店自助餐，對生蠔念念不忘。知道Deer Kitchen 做緊$10隻生蠔，就一於黎試吓。我哋6點半就已經到左，都仲未開始有客人，可以包場😂 一入門口左手邊就有2個大雀籠，絕對係打卡熱點。餐廳走簡約田園風格，整體感覺自然非常舒服，而且每張枱都有射燈照住，夠光猛食物都靚啲😎首先Order左6隻生蠔 @$10有賣相有實際。雖然細細隻，但好夠鮮甜，肉亦都夠爽脆，$10 一隻真係好抵食，好過去食酒店buffet😎我哋叫左個Dinner Set，包餐湯、前菜、主食同餐飲 $268是日餐湯係忌廉甘筍湯 👍🏻👍🏻👍🏻👍🏻忌廉味唔重，反而清清地帶出甘筍嘅香味，有一種raw嘅感覺，實在唔錯。前菜加$38 芒果蝦肉牛油果他他 👍🏻👍🏻啲一味我覺得太清淡。芒果夠甜，蝦肉亦都好爽脆，但整體就係將芒果、蝦肉同牛油果放埋一齊，唔係好食到有咩味。可以考慮轉用蟹肉、三文魚之類味道較濃味嘅食材，再加啲蛋黃醬，整體層次應該會提升好多。主菜係焗威靈頓三文魚 👍🏻👍🏻👍🏻👍🏻👍🏻呢個威靈頓三文魚係好食嘅，即叫即焗（真係等咗30分鐘），上枱嘅時候熱辣辣。酥皮焗得夠趣亦都好香，入邊塊三文魚扒真係不得了，好Juice亦都
首先Order左6隻生蠔 @$10
有賣相有實際。雖然細細隻，但好夠鮮甜，肉亦都夠爽脆，$10 一隻真係好抵食，好過去食酒店buffet😎
即開生蠔
$10
5 views
0 likes
0 comments
我哋叫左個Dinner Set，包餐湯、前菜、主食同餐飲 $268
是日餐湯係忌廉甘筍湯 👍🏻👍🏻👍🏻👍🏻
忌廉味唔重，反而清清地帶出甘筍嘅香味，有一種raw嘅感覺，實在唔錯。
忌廉甘筍湯
13 views
0 likes
0 comments
前菜加$38 芒果蝦肉牛油果他他 👍🏻👍🏻
啲一味我覺得太清淡。芒果夠甜，蝦肉亦都好爽脆，但整體就係將芒果、蝦肉同牛油果放埋一齊，唔係好食到有咩味。可以考慮轉用蟹肉、三文魚之類味道較濃味嘅食材，再加啲蛋黃醬，整體層次應該會提升好多。
芒果蝦肉牛油果他他
9 views
0 likes
0 comments
主菜係焗威靈頓三文魚 👍🏻👍🏻👍🏻👍🏻👍🏻
呢個威靈頓三文魚係好食嘅，即叫即焗（真係等咗30分鐘），上枱嘅時候熱辣辣。酥皮焗得夠趣亦都好香，入邊塊三文魚扒真係不得了，好Juice亦都好夠肥美，啲肉仲好嫩一啲都唔鞋。至於個菠菜芝士餡，我覺得可以多啲忌廉芝士，濃味少少會更加配搭個酥皮同三文魚。
焗威靈頓三文魚
9 views
0 likes
0 comments
焗威靈頓三文魚
5 views
0 likes
0 comments
另外再叫左個意式焗芝士肉丸 $88 👍🏻👍🏻👍🏻👍🏻
個肉丸好juicy，除左芝士仲有好香濃嘅蕃茄醬，整體都好配合唔會太咸，好食
意式焗芝士肉丸
$88
10 views
0 likes
0 comments
跟餐有個餐茶，叫左個凍檸茶
糖水係分開上的，啱晒想走甜嘅人士。不過… 凍檸茶點解會冇檸檬嘅？ 😂
凍寧茶
0 views
0 likes
0 comments
我哋見啲特飲咁靚，都叫左2杯打卡：
1）酸莓樂園 $48
雖然叫莓，但飲唔出士多啤梨嘅味道，應該冇用新鮮水果黎調製，酸酸甜甜算係幾開胃。
2）綠島奇遇 $48
唔係好飲得出用咩做，但酸酸甜甜幾得意。
總括而言，裝修別緻打卡一流，生蠔生鮮好食，主菜亦唔錯，廚房絕對比水吧出色。
食物：❇️❇️❇️❇️
環境：❇️❇️❇️❇️
服務：❇️❇️❇️❇️
價錢：❇️❇️❇️
翻兜指數：❇️❇️❇️
酸莓樂園 / 綠島奇遇
$48
3 views
0 likes
0 comments
Post
