宏富雲南米線

Open Now

Now Closed

經過調景嶺，朋友仔介紹一間街坊米線，仲話好食過嗰啲連鎖嘅米線舖，咁就試試. 呢間米線舖喺彩明街市裡面，街市嚟講，座位都乾淨、企理. 姐姐嘅服務都ok, 米線有三款湯底揀：清湯、酸辣(辣度無得揀)、麻辣(可以揀唔同辣度). 我外賣，叫咗個二餸酸辣米線，春卷+牛丸，有凍熱嘢飲送. 不過叫嘢食，姐姐無話俾張飛/單去等，如果遇到2個客人叫同1樣嘢，就唔知邊個先後啦. 份量好足夠，春卷都好煙韌，牛丸彈牙，好好食，米線嘅軟硬好適中，酸辣湯底都好好飲，不過略為辣少少. 整體我都好欣賞呢間小店米線，推介俾大家試試.