天天海南雞飯 (新城市廣場三期)

Open Now

Now Closed

係沙田行完街搵野食，見到呢間乾淨企理就入黎食。店員推介我地食2人餐，就試一試佢! 呢個2人餐都幾抵食，一開始上左個湯，係鳳梨涼瓜乾貝燉龍骨，成個感覺係好足料! 唔似味精湯，幾好。蝦皮素肉鬆凍豆腐有驚喜! 唔似一般涼拌咁死咸，個豆腐咁食又好滑! 黑松露墨魚蝦多士果然係人氣之選，多士係外脆內軟，入面包住黑松露墨魚，好香口，面上有少少醬汁，令到冇咁單調。重頭戲一定係天天海南雞，份量比想像中多好多，雞件好滑，本身有個茨係面，仲有3個醬可以點，有薑蓉，有黑豉油，個人最鐘意中間個款，辣辣地，食落似冬陰公味! 配埋雞油飯食真係一流! 跟餐仲有個菜，叫左炒通菜，又係大大份，好抵食! 野飲叫左美祿恐龍，好好飲，好濃郁!