Video
Read full review
2018-10-29
174 views
餐廳位於屯門藍地大街，都唔算好難搵，由青山公路向季季紅推進， 不消三兩分鐘，見到呢個大大個嘅德國啤招牌就係架喇。之前上網睇過其他食友嘅相片都知道呢度有個戶外嘅area ，今日親身體驗真係別有洞天，喺門口進入之後，先會經過一個較細嘅用餐區，跟住從後門走出去，廣大嘅戶外區域就呈現喺你眼前，我估呢度閒閒地都坐到成百零人，戶外嘅枱櫈都以木系為主，極具園林嘅風味，喺木製嘅搖搖椅上面影相，夠哂呃like，餐廳仲歡迎包場活動添。嚟得食蒸氣鍋，海鮮當然係主打嘅項目，喺戶外區域有一個位置，整咗一個海鮮檔，即劏即食就夠哂新鮮啦。嗌咗個大盛石鍋蒸氣套餐，套餐包括多款精選海 鮮，前菜仲有沙律同冷烏冬添，海 鮮包括龍蝦，紅蟹，大蟶子，特大扇貝，海蝦，花甲，貴花蚌，貝貝蜆，沙白蜆，蕃薯蜆同流浮山新鮮走地雞，夠哂氣勢。海蝦，海蝦個子不少，隻隻都有成隻手板咁長，重點係蝦頭蘊含大量嘅蝦膏，用甘香嘅蝦膏嚟餸彈牙嘅蝦肉，完全唔洗點豉油都咁鮮味。特大扇貝，肉質爽甜，一啲都唔靱，加少少葱花更加香口。貴花蚌，新鮮嘅貴花蚌甜味突出。流浮山新鮮走地雞，走地雞風味確係一絕，雞味特濃，零舍唔同。龍蝦，龍蝦爽口彈牙，用蒸嘅烹調方法令到每一
餐廳位於屯門藍地大街，都唔算好難搵，由青山公路向季季紅推進， 不消三兩分鐘，見到呢個大大個嘅德國啤招牌就係架喇。
之前上網睇過其他食友嘅相片都知道呢度有個戶外嘅area ，今日親身體驗真係別有洞天，喺門口進入之後，先會經過一個較細嘅用餐區，跟住從後門走出去，廣大嘅戶外區域就呈現喺你眼前，我估呢度閒閒地都坐到成百零人，戶外嘅枱櫈都以木系為主，極具園林嘅風味，喺木製嘅搖搖椅上面影相，夠哂呃like，餐廳仲歡迎包場活動添。
嚟得食蒸氣鍋，海鮮當然係主打嘅項目，喺戶外區域有一個位置，整咗一個海鮮檔，即劏即食就夠哂新鮮啦。
嗌咗個大盛石鍋蒸氣套餐，套餐包括多款精選海 鮮，前菜仲有沙律同冷烏冬添，海 鮮包括龍蝦，紅蟹，大蟶子，特大扇貝，海蝦，花甲，貴花蚌，貝貝蜆，沙白蜆，蕃薯蜆同流浮山新鮮走地雞，夠哂氣勢。
海蝦，海蝦個子不少，隻隻都有成隻手板咁長，重點係蝦頭蘊含大量嘅蝦膏，用甘香嘅蝦膏嚟餸彈牙嘅蝦肉，完全唔洗點豉油都咁鮮味。
特大扇貝，肉質爽甜，一啲都唔靱，加少少葱花更加香口。
貴花蚌，新鮮嘅貴花蚌甜味突出。
流浮山新鮮走地雞，走地雞風味確係一絕，雞味特濃，零舍唔同。
龍蝦，龍蝦爽口彈牙，用蒸嘅烹調方法令到每一啖龍蝦肉都咁JUICY。
紅蟹，蟹膏多過蟹肉，正。
臨尾底下煲粥吸盡以上所有海鮮嘅精華，粥底綿滑不特止，食落仲份外鮮甜，我仲特登留番啲海鮮嚟個自製海鮮粥添。
Post
