地地道

Open Now

Now Closed

經常都會嚟到地地道食午餐， 佢有各式各樣嘅炒粉麵飯， 試過好多次都覺得唔錯，今日想寫下對佢哋嘅感覺。 之前食過咁多次佢哋嘅炒粉麵飯 ， 例如乾炒牛河，星洲炒米，魚香茄子炆米， 我都覺得佢哋做得唔錯！今日叫咗兩個下午茶餐， 一個係葡汁雞扒腸仔飯， 另一個係泰式酸汁豬頸肉撈飯， 再加一杯凍咖啡同埋熱奶茶。葡汁雞扒腸仔飯夠大碟， 大大塊雞扒拼兩條雞肉腸， 雞扒肉質外脆內軟， 兩條腸仔都有煎過嘅，有heart! 葡汁味調教得啱啱好，用嚟送飯一流！泰式酸辣豬頸肉撈飯，豬頸肉唔乾身，點酸辣醬好惹味再配酸菜，完全係最佳嘅配搭！ 店鋪方面佢哋之前裝修過環境都有改善，比起以前已經坐得舒服好多， 加上佢哋嘅員工多數都親切友善， 抵讚！