Video
Read full review
2017-12-31
496 views
今日細佬生日梗係佢大哂啦，所以我都問佢食乜，係我搭車番黎元朗途中，一開頭佢話食壽司，但都我落車時佢又改變主意話想食泰國菜，問我有冇邊間泰國菜近佢泊車，我答金香泰菜。阿媽同細佬話四人餐528蚊抵，咩都有得食，四種特飲每杯加10蚊都幾平，所以我地一致通過叫四人餐。落單冇耐已經開始陸續上菜，上菜速度夠快，所以好快成枱都係野食，哈哈。侍應話冬蔭功湯係辣，怕辣既細佬就叫左椰汁雞湯。講起椰汁雞湯，其實我地全家都係第一次飲，見到個湯點都好奇。當我地一飲，咦，個湯酸架喎，同我地想像既椰汁湯甜味好唔同，睇唔出白色既湯底竟然係酸，不過酸得黎好開胃，就類似冬蔭功湯，只係唔辣版，岩哂想試泰式冬蔭功湯又怕辣既人飲。泰式小拼盤都唔錯，所有炸物都炸得夠乾爽唔油膩，蝦餅好飽滿，咬起黎非常彈牙，蝦餅控既細佬勁快食左兩件落肚。香茅葉包雞塊好香香料味，入口好滑，食落有啲似串燒雞肉，不過如果香口啲我就更鐘意。馬拉盞炒雜菜比預期中好食，好多時啲泰國餐廳馬拉盞炒菜會炒得好鹹過哂火，呢度味道岩岩好，有些少鹹香，最緊要椰菜同芥蘭都夠爽嫩鮮甜，唔多食菜既細佬食左唔少。海南雞份量十足，咀嚼中係嘴中滲出既油脂，真係好正。雞皮唔油膩而且相當
阿媽同細佬話四人餐528蚊抵，咩都有得食，四種特飲每杯加10蚊都幾平，所以我地一致通過叫四人餐。落單冇耐已經開始陸續上菜，上菜速度夠快，所以好快成枱都係野食，哈哈。
侍應話冬蔭功湯係辣，怕辣既細佬就叫左椰汁雞湯。講起椰汁雞湯，其實我地全家都係第一次飲，見到個湯點都好奇。
當我地一飲，咦，個湯酸架喎，同我地想像既椰汁湯甜味好唔同，睇唔出白色既湯底竟然係酸，不過酸得黎好開胃，就類似冬蔭功湯，只係唔辣版，岩哂想試泰式冬蔭功湯又怕辣既人飲。
泰式小拼盤都唔錯，所有炸物都炸得夠乾爽唔油膩，蝦餅好飽滿，咬起黎非常彈牙，蝦餅控既細佬勁快食左兩件落肚。香茅葉包雞塊好香香料味，入口好滑，食落有啲似串燒雞肉，不過如果香口啲我就更鐘意。
馬拉盞炒雜菜比預期中好食，好多時啲泰國餐廳馬拉盞炒菜會炒得好鹹過哂火，呢度味道岩岩好，有些少鹹香，最緊要椰菜同芥蘭都夠爽嫩鮮甜，唔多食菜既細佬食左唔少。
海南雞份量十足，咀嚼中係嘴中滲出既油脂，真係好正。雞皮唔油膩而且相當入味，鮮黃色既雞皮好吸睛，配上肉質細緻滑溜既雞肉，輕輕一點海南雞醬汁一齊食冇得彈。
黃咖哩牛腩香濃而不辣，牛腩煮得軟腍入味，薯仔都好綿密，我平時少食薯仔都食多幾舊，個汁拎黎撈飯好一流，所以飯控阿媽自己叫左碗白飯黎送咖哩。
泰式炒金邊粉係咁多樣之中較失色，雖然配料多，但係唔夠酸甜味，而且都炒得好乾唔濕，所以我最後撈咖哩汁黎食，咁樣先冇哂左碟金邊粉。
野飲方面都唔錯，龍眼冰同椰汁冰香甜唔膩，龍眼冰仲好多龍眼肉添。不過傻瓜既細佬係咁話杯青檸汁好酸，我話梗係啦，話明係汁嘛，佢話以為同青檸梳打一樣，我話兩樣野黎。
Post
