福彩海鮮酒家

Open Now

Now Closed

今日一家人去慶祝過年，係第二日選擇左係婆婆樓下嘅酒樓食飯啦！咁平日酒樓都唔忙，一d都唔爆。我地齊人之後點菜都好快就上菜啦！首先係個例湯，菜干豬骨湯，好濃味，同埋都好足料。跟住就係片皮鴨同埋白切雞，片皮鴨我見到枱枱客人都叫，果然係唔錯，鴨皮夠脆口，加埋熱辣辣嘅皮，一d都唔漏。而切雞雞肉滑，而且夠味，根本就唔洗點蔥油。雞比夠滑，而雞胸都唔鞋。跟住就係婆婆食嘅紅燒豆腐同埋金銀蛋菠菜啦。基本上兩樣菜式都正正常常，婆婆都好滿意。跟住就十係西蘭花炒班塊，同埋蒸頭腩，一班兩味，魚肉夠滑，新鮮，抵食。最後埋單咁多野食都係千二蚊，抵食，重有免費泊車。