Video
Read full review
2019-06-10
1938 views
呢間餐廳喺條街唔太起眼，經過好多次都唔覺佢喺到。夜晚好肚餓又未諗到食咩嗰陣就入去試下。可能因為平日，入到去得一兩檯人。間餐廳以慶祝生日為主題，侍應會幫影即影即有，仲會提供貼紙比客人裝飾。仲擺咗啲board game喺側邊比客人玩，除非普通會有嗰啲仲有足球機同迷你夾公仔機，幾特別。叫咗個二人餐，有兩個主食、小食、甜品同兩杯飲品，百幾二百左右，比起其他西餐價錢較低，睇返一個飯都係五六十蚊左右。值得一提嘅係個雞翼用普通醃料，但係煎得好好食，好香啲肉好滑，入面又有肉汁。叫咗個忌廉蘑菇燴飯（類似咁嘅名，唔記得影相）好香菇味，每粒飯都好香。跟住就係個牛扒，聞落好香，啲色都好靚，但咬落啲肉好鞋好韌，冇咩肉味，條菜心顯得好格格不入。甜品個梳乎厘班戟有驚喜！好鬆軟，食落拍得上幾十蚊一份嗰啲質素。
呢間餐廳喺條街唔太起眼，經過好多次都唔覺佢喺到。夜晚好肚餓又未諗到食咩嗰陣就入去試下。可能因為平日，入到去得一兩檯人。間餐廳以慶祝生日為主題，侍應會幫影即影即有，仲會提供貼紙比客人裝飾。仲擺咗啲board game喺側邊比客人玩，除非普通會有嗰啲仲有足球機同迷你夾公仔機，幾特別。
叫咗個二人餐，有兩個主食、小食、甜品同兩杯飲品，百幾二百左右，比起其他西餐價錢較低，睇返一個飯都係五六十蚊左右。
值得一提嘅係個雞翼用普通醃料，但係煎得好好食，好香啲肉好滑，入面又有肉汁。叫咗個忌廉蘑菇燴飯（類似咁嘅名，唔記得影相）好香菇味，每粒飯都好香。
跟住就係個牛扒，聞落好香，啲色都好靚，但咬落啲肉好鞋好韌，冇咩肉味，條菜心顯得好格格不入。
甜品個梳乎厘班戟有驚喜！好鬆軟，食落拍得上幾十蚊一份嗰啲質素。
Post
