JUST'er Bar & Restaurant

Open Now

Now Closed

尖沙咀出名多好嘢食，約咗朋友出去行街，經過山林道見到呢間餐廳，揭下menu📃睇睇，價錢都幾經濟實惠呀，一於入黎食Lunch☺️ 入到餐廳見到牆上有霓虹燈設計，每一句都有獨特嘅意思，唔同字體，幾有特色。自家製醬醃煙三文魚🥗煙三文魚用自家製醬醃製過，拌沙律菜🥗一齊食，特別開胃。焗多汁豬仔骨配香脆薯條🍖🍟豬仔骨🍖焗過後保留醬汁，味道唔會太鹹，🍴切開後叉住黎食，真係啖啖肉㗎，薯條🍟香香脆脆，忍唔住食多幾條😋蒜香辣羅勒蜆肉蕃茄意粉🍝啱晒嗜辣人士，意粉🍝帶出番茄🍅嘅酸酸甜甜，加上新鮮蜆肉同蒜香辣粉融合味道，入口嘅時候唔會覺得好辣，後勁慢慢開始辣啦。洋甘菊蜜糖茶檸檬🍵天氣開始變涼，飲返杯洋甘菊蜜糖檸檬茶，滋潤一下。